Rejtynh davieru da prezidenta Rasii źniziŭsia na 0,6%. Pra heta śviedčać danyja apytańnia, praviedzienaha Usierasijskim centram vyvučeńnia hramadskaj dumki (UCVHD). Apytańnie pravodziłasia z 14 pa 20 studzienia 2019 hoda siarod rasijan va ŭzroście ad 18 hadoŭ z dapamohaj telefonnaha intervju.
Na minułym tydni Uładzimiru Pucinu daviarali 33,4% apytanych rasijan, pa apošnich danych — 32,8% respandentaŭ. Heta novaje minimalnaje značeńnie za 13 hadoŭ. Uzrovień niedavieru da Pucina padniaŭsia z 6,7 da 7,5%.
Uzrovień adabreńnia dziejnaści prezidenta Rasii źmianiŭsia niaznačna, źniziŭšysia na 0,1% (da 62%).
Pucin zastajecca palitykam, jakomu žychary Rasii daviarajuć bolš za ŭsio. Na druhim miescy — ministr abarony Rasii Siarhiej Šajhu, čyj uzrovień davieru taksama źniziŭsia. A ŭzrovień davieru kiraŭniku MZS Rasii Siarhieju Łaŭrovu, jaki znachodzicca na trecim miescy ŭ śpisie, vyras.
