Staršynia Nacyjanalnaj asamblei Vieniesueły i lidar apazicyi Chuan Huajdo abviaściŭ siabie vykanaŭcam abaviazkaŭ prezidenta krainy i prynios prysiahu prosta na masavym mitynhu ŭ Karakasie, paviedamlaje Reuters.
Chuan Huajdo prynosić prysiahu z kanstytucyjaj u ruce, fota ź jahonaha tvitara.
Jon prynios prysiahu pierad sotniami tysiač demanstrantaŭ. Fota Adriana Loureiro / Reuters.
«Ja klanusia aficyjna vykonvać paŭnamoctvy prezidenta Vieniesueły», — zajaviŭ Huajdo.
Paśla «inaŭhuracyi» prahučaŭ himn Vieniesueły pad skandavańnie prychilnikaŭ Huajdo.
Administracyja prezidenta ZŠA imhnienna paviedamiła, što Donald Tramp pryznaŭ Huajdo kiraŭnikom krainy. Ciaham niekalkich hadzin ab pryznańni Huajdo v.a. prezidenta zajavili taksama Brazilija, Kanada, Kałumbija, Arhiencina, Pieru, Ekvador, Parahvaj.
U toj ža čas Rasija, Mieksika i Balivija praciahvajuć ličyć prezidentam Vieniesueły Nikałasa Madura.
35-hadovy Chuan Huajdo abviaściŭ siabie vykanaŭcam abaviazkaŭ prezidenta, kab spynić uzurpacyju ŭłady Nikałasam Madura (na prezidenckich vybarach u mai 2018 hoda Madura atrymaŭ 68% hałasoŭ vybarščykaŭ pry jaŭcy 46%, a 10 studzienia pravioŭ čarhovuju ŭłasnuju inaŭhuracyju). Peŭny čas tamu Madura abmiežavaŭ paŭnamoctvy parłamienta, zamianiŭšy jaho maryjanietkavym Ustanoŭčym schodam.
Abodva baki kanfliktu źviarnulisia da armii z zaklikam padtrymać ich. Ministr abarony i kiraŭnictva armii ŭžo zajavili ab padtrymcy Madura jak zakonnaha kiraŭnika.
Katalickaja carkva Vieniesueły ŭžo pryznała kiraŭnika parłamienta vykanaŭcam abaviazkaŭ prezidenta krainy.
Madura sklikaŭ mitynh prychilnikaŭ svajoj palityčnaj siły kala prezidenckaha pałaca. Jon vystupiŭ pierad imi z doŭhaj pramovaj, u jakoj nazvaŭ padziei sprobaj dziaržaŭnaha pieravarotu, abviaściŭ pra razryŭ dypłamatyčnych adnosin z ZŠA i zapatrabavaŭ ad amierykanskich dypłamataŭ pakinuć krainu ciaham 72 hadzin.
Kolkaść zahinuŭšych u chodzie vuličnych pratestnych akcyj u Vieniesuele dasiahnuła 12 čałaviek.
Uviečary 23 studzienia ŭ štacie Barynas zahinuli čatyry čałavieki, jakija vystupajuć suprać prezidenta Nikałasa Madura. U inšych štatach zahinuli 8 čałaviek, bolš za dziasiatak čałaviek atrymali ranieńni.
Akramia taho, Nacyjanalnaja hvardyja Vieniesueły ŭviała bronietechniku ŭ adzin z rajonaŭ Karakasa, dzie sabralisia pratestoŭcy.
Čytajcie taksama:
Chto taki 35-hadovy Huajdo, jaki abviaściŭ Madura ŭzurpataram
Tramp pra vajennuju apieracyju dla źviaržeńnia Madury: Usie varyjanty na stale
Kanada, Brazilija, Kałumbija, Pieru, Arhiencina, Ekvador i Parahvaj pryznali Huajdo v.a. prezidenta Vieniesueły
Videa: vystup Huajdo i simvaličnaja prysiaha
