Letaś na Australian Open zaŭziatary nie vielmi dobra pastavilisia da Aryny Sabalenka i dražnili jaje za hučnyja stohny, kali jana hulała z Ešli Barci.
U hetym siezonie biełaruska viarnułasia ŭ Mielburn tenisistkaj top-15 i adnoj z hałoŭnych pretendentak na pieramohu. I pryniali jaje kudy lepš: «Atmaśfiera była vydatnaja, sabrałasia šmat hledačoŭ, chtości navat kryčaŭ majo imia. Kali ščyra, ja krychu bajałasia siudy jechać. U minułym hodzie ja nie asabliva spadabałasia zaŭziataram, tamu što ja kryčała jak varjatka. Ale ciapier ja cišejšaja», — raspaviadała Aryna paśla pieršaha kruha.
A ŭ sieradu zaŭziatarstva za Sabalenka daviało dźviuch darosłych, samavitych žančyn da vielmi dziŭnych pavodzin. Paśla pieramohi nad Kaci Bołtar biełaruska, jak zvyčajna, vykinuła na trybuny napulśnik i hałaŭnuju paviazku ŭ jakaści suvieniraŭ dla hledačoŭ. Paviazku za roznyja kancy złavili dźvie damy, i ni adna ŭ vyniku nie chacieła sastupać.
Jany prastajali, učapiŭšysia ŭ jaje, niekalki chvilin. U vyniku ŭ situacyju ŭmiašalisia adrazu piać achoŭnikaŭ, jakija raźniali žančyn i adviali ich sa stadyjona.
Samaje kryŭdnaje dla fanatak? Achova zabrała paviazku, i jana nie dastałasia ni adnoj ź ich.
