Fłešmob pačaŭsia ŭ kancy hoda ŭ Rasii.
Tam źviarnuli ŭvahu na toje, što škoły i ŭstanovy pa ŭsioj krainie atrymali imia Rykarda Miłasa ŭ kartahrafičnym servisie Google. U honar brazilskaha stryptyziora «nazvali» škoły, VNU, technikumy, tancavalnyja zały, uradavyja budynki i navat chramy.
Biełaruskija karystalniki Google u baku nie zastalisia. I na karcie Minska źjavilisia škoły, jakim taksama nadali imia stryptyziora.
Heta stała mahčymym praz toje, što Google dazvalaje karystalnikam pieranazyvać abjekty ŭ kartach. Ludzi mohuć «ŭdakładnić» infarmacyju ab budynkach i ŭstanovach, adpraŭlajučy praŭki pradstaŭnikam servisu.
Časam z-za hetaha ŭźnikajuć fłešmoby pa pierajmienavańni — tak zdaryłasia ŭ vypadku z Rykarda Miłasam.
Chto taki Rykarda Miłas?
Rykarda Miłas (Ricardo Milos) — brazilski stryptyzior, čyje tancy stali miemam na Zachadzie jašče niekalki hadoŭ tamu. Jaho paznavalnyja elemienty: muskuły, čyrvonaja bandana na hałavie i płaŭki z amierykanskim ściaham.
Aściarožna! Eratyčnaje videa stryptyziora
U 2018 hodzie miem pieraradziŭsia ŭ Rasii ŭ sacyjalnaj sietcy «Ukantakcie», i ŭ śniežni staŭ adnym z samych papularnych tam.
Toj, chto źmianiaŭ nazvu himnazii №32, asabliva i nie viedaŭ, chto taki Rykarda Miłas, tamu himnazija stała nasić imia Rykarda Smysłasa.
U Minsku imia Rykarda Miłasa nadali nie tolki škołam, ale i «Śvietu fitnesu», jaki staŭ «śvietam fitnesu i Miłasa».
Na hetaj karcie bačna, što akramia škoł i fitnes-centra, dziciačy sadok № 502 pierajmienavany ŭ «dziciačyja orhany zadarma».
