Biełaruskaja sacyjał-demakratyčnaja partyja (Hramada) prapanuje vyjhrać videarehistratar.
Dla hetaha na elektronny adras partyi [email protected] nieabchodna vysłać sełfi na fonie svajho aŭto z nalepkaj «Pahonia». (Fota mohuć być vykarystany arhanizatarami ŭ ŚMI i sacyjalnych sietkach). Fotazdymki prymajucca pa 20 studzienia 2019 h. uklučna.
U źviestkach nieabchodna paznačyć proźvišča, imia i imia pa baćku, miesca pražyvańnia, kantaktny numar telefona.
U konkursie mohuć brać udzieł tolki hramadzianie Biełarusi, jakija pastajanna pražyvajuć na terytoryi krainy i jakija całkam paznačyli svaju kantaktnuju infarmacyju.
U BSDP adznačajuć, što heta druhi etap kampanii pa papularyzacyi histaryčnaha simvała biełarusaŭ. Na pieršym etapie ŭsie achvotnyja mahli atrymać «Pahoniu» biaspłatna poštaj. Takich achvotnych akazałasia 370 čałaviek.
Sacyjał-demakraty adznačajuć, što rozyhryš videarehistratara adbudziecca 23 studzienia ŭ 18:00. Padčas rozyhryšu budzie arhanizavana žyvaja tranślacyja ŭ supołcy «Biełaruskaja sacyjał-demakratyčnaja partyja (Hramada)» u fejsbuku.
