«Heta nie tolki pytańnie taho, što adbyvajecca ŭnutry ZŠA. Kitaj źjaŭlajecca pahrozaj z punktu hledžańnia biaśpieki ekanomiki, z hledzišča vajennych adnosin i na hłabalnym uzroŭni. Dastatkova zirnuć na stratehičnuju metu Kitaja, a mienavita — stać hłabalnaj zvyšdziaržavaj u hieapalityčnym, vajennym i ekanamičnym sensach. Jany vykarystoŭvajuć usie dastupnyja mietady dla dasiahnieńnia hetaj mety. Heta hłabalnaja prablema, a nie tolki prablema ZŠA», — ličyć Ivanina.
Pahroza, jakuju ŭjaŭlaje dla ZŠA Rasija, «drabnieje ŭ paraŭnańni z pahrozaj z boku Kitaja».
«My dajem štohod hranty dla kala 350 000 kitajskich studentaŭ. Heta vydatnaja mahčymaść dla kitajskich śpiecsłužbaŭ vykarystoŭvać hetych studentaŭ dla vykradańnia technałohij i raspracovak», — adznačyŭ jon, dadaŭšy, što takaja ž pahroza nazirajecca ŭ Vialikabrytanii i inšych krainach.
Kitajskija špijony dziejničajuć, u pryvatnaści, u amierykanskich univiersitetach i na pradpryjemstvach stratehičnaha značeńnia, dadaŭ jon.
Ivanina taksama papiaredziŭ kampanii, jakija vyrašajuć vieści biznes u Kitai pra toje, što ich źviestki stanoviacca dastupnymi ŭradu krainy.
Za apošnija miesiacy Miniust ZŠA pradjaviŭ abvinavačvańni ŭ adras 20 jurydyčnych i fizičnych asob z Kitaja.