Ministr kultury Juryj Bondar u intervju sb.by raspavioŭ, čamu praśpiekt Niezaležnaści pakul što nie moža prabicca ŭ śpis spadčyny JUNIESKA i jak heta možna vypravić.
«Pryŭniasieńnie niecharakternych elemientaŭ u ansambl jaho [praśpiekta Niezaležnaści] zabudovy moža paciahnuć za saboj istotnyja składanaści dla atrymańnia stanoŭčaha zaklučeńnia kamisii ICOMOS, jakaja na padstavie ekśpiertnych acenak daje rekamiendacyi kamisii JUNIESKA. Ale ja liču, što pry stabilnym finansavańni rabot i vykanańni paradku, praduhledžanaha Kanviencyjaj ab achovie suśvietnaj spadčyny JUNIESKA, a taksama aktyŭnym udziele Minskaha harvykankama, Ministerstva zamiežnych spraŭ Biełarusi i šerahu inšych struktur praśpiekt Niezaležnaści moža być uklučany ŭ śpis JUNIESKA», — raspavioŭ Bondar.
Taksama ministr adznačyŭ, što imknieńnie ŭklučać svaje abjekty ŭ śpisy spadčyny JUNIESKA abumoŭlena daloka nie tolki žadańniem raźvivać turyzm. Najaŭnaść takich znakavych abjektaŭ — adzin z najvažniejšych elemientaŭ u farmiravańni i padtrymańni histaryčnaj pamiaci nacyi, umacavańni jaje identyčnaści.
