Administracyjnuju spravu ŭ dačynieńni da chłopca, jaki ŭdaryŭ skulpturu haradavoha ŭ Minsku, spynili. Z chłopcam abyšlisia prafiłaktyčnaj hutarkaj.
«Spravu spynili z-za adsutnaści składu pravaparušeńnia. Heta naš, možna skazać, padapiečny — jon i raniej ździajśniaŭ supraćpraŭnyja ŭčynki. Dastatkova daŭno jaho viedajem. Jon vychoŭvajecca ŭ apiakunskaj siamji. Viedajem, jak ciažka babuli. U pryncypie, chłopiec niadrenny, ale ŭvieś čas kudy-niebudź papadaje», — raspaviała namieśnik staršyni kamisii pa spravach niepaŭnaletnich Zavodskaha rajona Aksana Švajdziuk.
«A što tyčycca pravaparušeńnia, to nichto nie zacikaŭleny karać čałavieka za toje, što nie ŭjaŭlaje hramadska niebiaśpiečnaha ŭčynku. Nielha dziciaci łamać los», — adznačyła Aksana Švajdziuk.
Čytajcie taksama: Padletka, jaki daŭ poŭchu haradavomu, apraŭdali: pravaparušeńnia niama
