«Pastupova kinateatry pieratvoracca ŭ paŭnavartasnyja zabaŭlalnyja centry dla ŭsioj siamji, dzie možna pravodzić čas ceły dzień. My navat praviadziom čempijanat pa hulniach u VR-akularach», — abiacaje Aleh Tronik, kamiercyjny dyrektar sietki kinateatraŭ Silver Screen cinemas.
Anansavanyja novaŭviadzieńni — adzin z krokaŭ pa kałabaracyi sietki kinateatraŭ i videaservisa Voka ad mabilnaha apieratara velcom.
Pieršaja navinka zapracuje ŭžo ad pačatku śniežnia. Tyja, chto pryjduć pahladzieć kino, atrymajuć «Adziny kvitok» — u jakaści bonusa im padorać dostup da servisu Voka+Megogo na adzin miesiac.
«My chočam ścierci miažu pamiž anłajn i afłajnavymi zabavami. Kab čałaviek moh za adzin klik atrymać dostup da ŭsiaho videakantentu, i pry hetym vybrać, dzie, kali i na jakim ekranie jamu heta hladzieć. Takoje supracoŭnictva prapanuje hledaču zusim novy farmat baŭleńnia času, u jakim raznastajnaść anłajn-kantentu dapoŭniena vidoviščnaściu sučasnaj kinazały», — raspaviadaje Anton Bładzik, namieśnik hienieralnaha dyrektara pa ličbavych płatformach i kantencie velcom.
Jon adznačaje, što ŭ anłajn-bazie buduć navinki 2018 hoda, filmy-łaŭreaty «Oskar», aŭtarskaje kino, jakoje nie trapiła ŭ šyroki prakat u Biełarusi, dakumientalnyja karciny, kancerty, spartyŭnyja tranślacyi, śpiektakli, a taksama filmy na biełaruskaj movie i movie aryhinału — dla tych, chto chacieŭ by vučycca anłajn.
