Historyja, u jakuju ciažka pavieryć, adbyłasia ŭ Kiraŭskim rajonie. Prakurorskija rabotniki daviedalisia pra toje, što ŭ škołu chodzić 14-hadovaje dzicia, jakoje nie maje nijakich dakumientaŭ.
Vyśvietliłasia, što «pradstaŭnica adnoj z nacyjanalnych dyjaspar» 10 krasavika 2003 hoda naradziła dzicia ŭ balnicy ŭ Babrujsku. Paśla vypiski žančyna nie stała rehistravać dzicia i źjechała.
Jana žyła ŭ Barysavie, adnak dzicia addała svajmu baćku ŭ Kiraŭski rajon. Dziadula (jamu ciapier 62 hady) i vychoŭvaŭ unuka. U 2011 hodzie mužčyna navat zdoleŭ uładkavać chłopčyka ŭ škołu biez dakumientaŭ, dzie toj i vučycca.
Ciapier padletak narešcie atrymaŭ dakumienty. A niadbajnuju maci letaś pasadzili za niejkaje złačynstva na 11 hadoŭ z kanfiskacyjaj majomaści.
