U 29-m tury čempijanata Biełarusi pa futbole BATE ździejśniŭ nievierahodny kambek. U hulni z aŭtsajdaram, minskim «Pramieniem», barysaŭskaja kamanda prajhravała až da 83-j chviliny — jašče ŭ pieršym tajmie adznačyŭsia Juryj Kazłoŭ.
Ilustracyjnaje fota.
Ale na apošnich chvilinach hulni razyhrałasia zapaminalnaje vidovišča. Na 83-j chvilinie Michaił Hardziajčuk ź pienalci zraŭniaŭ lik. Na 90-j chvilinie Stanisłaŭ Drahun vyvieŭ BATE napierad. Na čaćviortaj kampiensavaj chvilinie Mirka Ivanič zabiŭ jašče hoł. A kropku pastaviŭ Maksim Skavyš na šostaj (!) kampiensavanaj chvilinie. Vynik — 4:1 na karyść BATE.
U inšych matčach taksama siensacyj nie zdaryłasia.
Usie try kamandy, jakija pretendujuć na miedali i vychad u jeŭrakubki — salihorski «Šachcior», minskaje «Dynama» i «Viciebsk» — pieramahli svaich supiernikaŭ i zachavali status-kvo.
Pierad apošnim turam dyspazicyja takaja:
2. «Šachcior» — 61 bał. Zhulaje z «Minskam».
3. «Dynama» (Minsk) — 60 bałaŭ. Zhulaje ź minskim «Tarpiedam».
4. «Viciebsk» — 59 bałaŭ. Zhulaje z «Homielem».
Zastałasia intryha i ŭ nižniaj častcy tablicy.
«Dniapro» harantavana na apošnim miescy, a voś «Smalavičy» i «Pramień» praviaduć miž saboj matč śmierci. Chto ź ich prajhraje — toj i vylecić z vyšejšaj lihi.
A voś pry ničyjej pamiž «Smalavičami» i «Pramieniem» usio katastrafična zabłytajecca. U ich budzie pa 24 bały, i daviadziecca padličvać bały ŭ matčach pamiž saboj.
Stolki ž — 24 bały — ciapier u «Tarpieda», jakoje nie vylecić ni pry jakim vypadku, ale možna paŭpłyvać na vyznačeńnie niaŭdačnika.
