mil.by
Płan abarony Biełarusi na čarhovy piacihadovy pieryjad budzie całkam pierapracavany, paviedamiŭ načalnik hienieralnaha štaba Uzbrojenych sił — pieršy namieśnik ministra abarony Aleh Biełakonieŭ.
«Orhanam vajskovaha kiravańnia sumiesna ź dziaržaŭnymi orhanami treba budzie poŭnaja pierapracoŭka Płana abarony Respubliki Biełaruś na čarhovy piacihadovy pieryjad», — pryvodziacca ŭ paviedamleńni na sajcie Minabarony słovy Aleha Biełakonieva pa vynikach pasiadžeńnia Hienieralnaha štaba.
Heta budzie adnym z kirunkaŭ dziejnaści ŭ 2019 hodzie.
Akramia taho, praciahnuŭ pieršy namieśnik ministra, u nastupnym hodzie treba budzie abjomnaja rabota pa padrychtoŭcy i praviadzieńni z Uzbrojenymi siłami Rasii sumiesnaha apieratyŭnaha vučeńnia «Ščyt Sajuza — 2019».
«Pryjarytetam pa-raniejšamu zastaniecca padtrymańnie na vysokim uzroŭni bajavoj i mabilizacyjnaj hatoŭnaści ŭsich voinskich farmiravańniaŭ», — adznačajecca ŭ paviedamleńni.
