@frankiemuniz4
Viadoŭca amierykanskaha telešou «Tancy z zorkami: junijory» Frenki Muniz raspavioŭ u tvitary, jak straciŭ usio nažytaje z-za taho, što jaho kot navučyŭsia adkryvać vadapravodny kran, piša lenta.ru
Pa słovach Muniza, jon na niekalki dzion źjechaŭ na pachavańnie dziadźki, a kali viarnuŭsia, pabačyŭ, što čatyry ź piaci pavierchaŭ jaho doma zatoplenyja.
«Usio, što ŭ mianie jość, źniščana. Kožnaja ściana, tvory mastactva, asabistyja fatahrafii, mebla… Usio tamu, što moj kot vypadkova adkryŭ kran niekalki dzion tamu, pakul nas nie było», — narakaje akcior.
Muniz pryznaŭsia, što za dva dni napłakaŭ bolš, čym za ŭsio žyćcio. Jon pačuvaŭsia spustošanym paśla śmierci svajaka i stomlenym paśla 45 hadzin šlachu ŭ Francyju i nazad. «Prabačcie, što tak vyjšła. Mnie prosta patrebna padtrymka», - napisaŭ viadoŭca.
Vydańnie Inside Edition udakładniaje, što straty aceńvajucca ŭ niekalki miljonaŭ dalaraŭ.
