Ilustracyjnaje fota: Naked Science..
Navukoŭcy z Univiersiteta Sołfarda vyśvietlili, što amal usie «pabudovy», vyjaŭlenyja ŭ adnym z rajonaŭ Brazilii, majuć štučnaje pachodžańnie. Jak paviedamlaje časopis Cell, samyja vysokija «budynki» z hliny i piasku dasiahajuć vyšyni 3,5−4 mietry — rekord siarod vyjaŭlenych termitnikaŭ.
Płošča štučnych pahorkaŭ taksama ŭražvaje — kazurki stvaryli ich na płato płoščaj 230 tysiač kvadratnych kiłamietraŭ — hety «pasiołak», pabudavany termitami, vidać navat na zdymkach z kosmasu. Navukoŭcy adznačajuć, što dyjamietr «brazilskich pahorkaŭ» składaje kala dzieviaci mietraŭ, ale sami «budynki» nie źjaŭlajucca domam dla termitaŭ. Pa słovach navukoŭcaŭ, pad ziamloj nasiakomyja prakapali vielizarnuju sistemu tunelaŭ i ŭ vyniku padziemnaj aktyŭnaści vykinuli na pavierchniu kala 10 kubičnych kiłamietraŭ ziamli.
Ahulnaja kolkaść «domikaŭ», u jakich taksama byli vyjaŭlenyja kałonii termitaŭ, składaje kala 200 miljonaŭ, što ŭ teoryi dazvalaje zrabić vysnovu ab miljardnaj kałonii termitaŭ Syntermes dirus. Samyja staražytnyja pabudovy, stvoranyja termitami, majuć uzrost 690−3820 hadoŭ.
