Uračystaja cyrymonija adkryćcia mižnarodnaha dziciačaha konkursu pieśni «Jeŭrabačańnie 2018.» prajšła ŭ Nacyjanalnym vystavačnym centry «BiełEkspa» ŭ Minsku, pieradaje BiełTA.
Cyrymonija startavała z čyrvonaj dyvanovaj darožki, pa jakoj prajšli ŭsie 20 delehacyj krain-udzielnic. Heta pieršaja sustreča ŭsich kankursantaŭ, jakija zmahli prezientavać siabie i svaju kamandu.
U adkryćci ŭziali ŭdzieł bolš jak 300 čałaviek.
Zhodna z praviłami Jeŭrapiejskaha viaščalnaha sajuza, padčas aficyjnaj cyrymonii adkryćcia konkursu prachodzić losavańnie. Razyhryvajuć pieršuju i apošniuju pazicyi. Adkryje šou ŭdzielnik z Ukrainy. Apošniaja kampazicyja prahučyć u vykanańni pradstaŭnicy Polščy.
Svoj numar na adkryćci daviedvajecca i pradstaŭnik krainy — haspadyni konkursu. Biełarus Daniel Jastremski na dziciačym «Jeŭrabačańni» vystupić pad numaram 8.
Dziciačaje «Jeŭrabačańnie 2018.» u Minsku pastaviła rekord pa kolkaści ŭdzielnikaŭ. Dva dziesiatki vykanaŭcaŭ u hetym farmacie nie spaborničali jašče ni razu.
Finał mižnarodnaha dziciačaha konkursu pieśni «Jeŭrabačańnie 2018» projdzie ŭ Biełarusi 25 listapada.
