15 listapada adbyłasia premjera druhoj častki pryhodaŭ Njuta Sałamandera ź sieryi pra Hary Potera — filma «Fantastyčnyja istoty: Złačynstvy Hryn-de-Valda». Film z ukrainskim dublažom možna budzie hladzieć u polskich kinateatrach ŭžo ŭ niadzielu, - paviedamlaje Polskaje radyjo sa spasyłkaj na Gazeta Wyborcza.
Majia Novak z pres-biuro sietki kinateatraŭ Helios skazała: «My vyrašyli pakazać hety film na ŭkrainskaj movie, bo chočam pryciahnuć ukrainskich hledačoŭ, jakija žyvuć u Polščy. Dystrybjutar Warner Bros pieršym vykazaŭ hatoŭnaść pradastavić film u takim varyjancie. Ale my viadziem pieramovy ź inšymi dystrybjutarami. U vypadku ich zacikaŭlenaści my budzie praciahvać pakazy filmaŭ na ukrainskaj».
Kiraŭnictva sietki Helios pryniało pad uvahu, što ŭ Polščy lehalna pražyvaje kala paŭtary miljona ŭkraincaŭ. Bolšaść ź ich pracuje ŭ budaŭničaj halinie, ale jość i šmat studentaŭ. Sami tolki varšaŭskija škoły i dziciačyja sady naviedvajuć bolš za 1400 dziaciej z Ukrainy. Jany źjaŭlajucca samaj šmatlikaj hrupaj siarod zamiežnych vučniaŭ.
