Na pratest praciŭnikaŭ akumulatarnaha zavodu ŭ Bieraści pryjšoŭ čałaviek u kaściumie lisa. Paśla akcyi jaho zatrymaŭ AMAP. Buduć raźbiracca, ci jość tut namiok na staršyniu abłvykankamu Anatola Lisa, paviedamlaje Radyjo Svaboda.
Čarhovy schod praciŭnikaŭ akumulatarnaha zavodu prajšoŭ 11 listapada na hałoŭnaj płoščy Bieraścia. Na im prysutničaŭ čałaviek u kaściumie lisa, jaki razdavaŭ «interviju» udzielnikam, kazaŭ, što pryjšoŭ padtrymać budaŭnikoŭ zavodu.
Paśla akcyi čałavieka ŭ kaściumie lisa zatrymali i pavieźli ŭ pastarunak.
Videa zatrymańnia raźmiaściŭ na svajoj staroncy ŭ Facebook błohier Alaksandar Kabanaŭ.
Ad kanca lutaha na centralnaj płoščy Bieraścia štoniadzielu adbyvajucca maŭklivyja pratesty suprać zavodu. Pratestoŭcy zaprašali čynoŭnikaŭ, u tym liku i staršyniu Bieraściejskaha abłvykankamu Anatola Lisa, adnak tyja nie prychodzili.
Pratest suprać akumulatarnaha zavodu ŭ Bieraści ŭźnik napačatku 2018 hodu, kali stała viadoma pra jaho budaŭnictva. Ludzi bajacca, što zavod naniasie škodu ich zdaroŭju i navakolnamu asiarodździu.
