Fota UUS Viciebskaha abłvykankama
Na aŭtaspabornictvach pad Viciebskam honščyk na aŭtamabili bahi źbiŭ sudździaŭ, paviedamiła aficyjny pradstaŭnik UUS Viciebskaha abłvykankama Volha Škuratava.
Niaščasny vypadak adbyŭsia 21 kastryčnika padčas spabornictva na Kubak Respubliki Biełaruś pa aŭtamabilnym krosie na trasie ŭ Tułavie pad Viciebskam.
Pavodle papiaredniaj infarmacyi, kiroŭca na zakruhleńni trasy nie spraviŭsia z kiravańniem i dapuściŭ zajezd aŭtamabila na ŭzvyšeńnie, dzie znachodzilisia sudździ.
Dvaich paciarpiełych ź pierałomami roznaj stupieni ciažkaści dastavili ŭ miedustanovy. Nichto z hledačoŭ nie paciarpieŭ.
Spartovaje mierapryjemstva pravodziłasia pa rasparadžeńni abłvykankama ab praviadzieńni spabornictvaŭ pa aŭtamabilnym krosie. Arhanizataram źjaŭlajecca DTSAAF. U chodzie pravierki buduć pryznačanyja nieabchodnyja ekśpiertyzy, a taksama dadziena pravavaja acenka tamu, što adbyłosia.
