Ułady amierykanskich štataŭ płanujuć nakiravać kala dvuch tracin usich srodkaŭ, vydatkavanych na zabieśpiačeńnie biaśpieki vybaraŭ, na kuplu novaha abstalavańnia dla hałasavańnia i ŭmacavańnie kibierbiaśpieki vybarčaha pracesu. Zrešty, nie ŭsie płanujemyja palapšeńni atrymajecca ažyćciavić da pramiežkavych vybaraŭ u kanhres u listapadzie hetaha hoda.
Usiaho kanhres ZŠA vydzieliŭ štatam $380 miljonaŭ, ź ich kala $134,2 miljona vydatkujuć na palapšeńnie kibierbiaśpieki vybaraŭ na praciahu piaci hadoŭ, a $102,6 miljona pojdzie na zakupku abstalavańnia dla hałasavańnia. Štatam nieabchodna zamianić całkam elektronnyja aŭtamaty dla hałasavańnia na tyja, jakija vykarystoŭvajuć papieru: hetaja miera źjaŭlajecca nietechnałahičnaj abaronaj ad kibieratak.