Fota Miedycynski vieśnik
21 žniŭnia pamior Iosif Robiertavič Varanovič — vydatny chirurh, doktar miedycynskich navuk, zasłužany dziejač navuki BSSR, adzin z zasnavalnikaŭ biełaruskaj škoły traŭmatałohii i artapiedyi.
Iosif Robiertavič niekalki miesiacaŭ nie dažyŭ da jubileju — u śniežni jamu spoŭniłasia b 90 hadoŭ!
Apošnim časam jon chvareŭ, ale jašče niadaŭna pryjazdžaŭ na pracu — u RNPC traŭmatałohii i artapiedyi, u jaki jon pryjšoŭ adrazu paśla zakančeńnia ŭ 1953 hodzie Minskaha dziaržaŭnaha miedycynskaha instytuta. Jon zajmaŭsia navukaj, kansultavaŭ pacyjentaŭ, pa paradu da prafiesara Varanoviča źviartalisia jaho nie mienš znakamityja kalehi-vučni.
Svaju pieršuju apieracyju Iosif Varanovič vykanaŭ jašče studentam, u 22 hady. A za ŭsio prafiesijnaje žyćcio pravioŭ niekalki tysiač chirurhičnych umiašańniaŭ, apieryravaŭ da 80 hadoŭ.
— Jon chirurh ad Boha, čałaviek kałasalnaj pracazdolnaści, arhanizavanaści, redkaha stratehičnaha myśleńnia, — kazaŭ viadučy navukovy supracoŭnik łabaratoryi artapiedyi i traŭmatałohii dziciačaha i padletkavaha ŭzrostu RNPC TA, kandydat miedycynskich navuk Dźmitryj Ciesakoŭ. — Iosif Robiertavič moža pryjści na apieracyju, tut ža acanić składanaść traŭmy, padkazać varyjant vychadu, a to i nie adzin. Jaho intelekt kantralavaŭ kožny milimietr tvaich dziejańniaŭ. U asabistych znosinach jon zastajecca dastupnym, adkrytym, dušeŭnym.
