Rasijskija ŭłady ŭzialisia za poŭnuju pravierku pravamiernaści kancertnaj dziejnaści Łajmy Vajkule paśla jaje słoŭ pra toje, što jana nie hatovaja vystupać u Krymie, paviedamlaje Starhit.
Jak zajaviŭ kiraŭnik pracoŭnaj hrupy pa pytańniach złačynnaści ŭ śfiery ekanomiki hramadskaha savieta pry hałoŭnym upraŭleńni MUS Rasii pa Maskvie Alaksandr Chaminski, zamiežnyja artysty pavinny vykonvać peŭnyja praviły.
Pavodle jaho słoŭ, heta tyčycca taksama i biaspłatnych vystupaŭ. Zaraz orhany źbirajuć fatahrafii i videazapisy vystupleńniaŭ śpiavački ŭ Rasii, kab ustanavić fakt parušeńnia zakona. Kali jany dakažuć, što jana niezakonna pracavała ŭ Rasii, joj pahražaje štraf i vydvareńnie z krainy.
«Maksimum, čym ryzykuje Łajma Vajkule — heta niemahčymaść praviadzieńnia vystupaŭ u Rasii ŭ budučyni», - padkreśliŭ Chaminski.
Raniej u žniŭni ŭ adnym ź intervju Vajkule skazała, što ni za jakija hrošy nie pajedzie ŭ Krym. Taksama jana zajaviła, što ščaślivaja z nahody raspadu SSSR. U Rasii heta vyklikała skandał, jaje słovy ŭspryniali varoža, kalehi pačali masava krytykavać śpiavačku.
Čytajcie taksama: Śpiavačka Łajma Vajkule: Ni za jakija hrošy nie pajedu ŭ Krym. Ščaślivaja, što SSSR raspaŭsia
