U hetyja vychadnyja dni ŭ Minsku praviaduć subotniki ŭ metach vykanańnia daručeńnia prezidenta «ab naviadzieńni idealnaha paradku». 17 žniŭnia rasparadžeńnie pra pracu ŭ subotu i niadzielu padpisaŭ kiraŭnik stalicy Andrej Šorac. Redakcyja Tut.by atrymała dakumient, padpisany kiraŭnikom Minharvykankama, pra pracu ŭ vychodnyja dni 18 i 19 žniŭnia.
U dakumiencie havorycca, što «ŭ metach biezumoŭnaha vykanańnia daručeńnia kiraŭnika dziaržavy ab naviadzieńni paradku», a taksama «u suviazi z daručeńniem kiraŭnika Administracyi prezidenta Natalli Kačanavaj ad 16 žniŭnia» kiraŭnikam administracyj rajonaŭ nieabchodna pryciahnuć da pracy ŭ vychodnyja dni 18 i 19 žniŭnia «rabotnikaŭ administracyj rajonaŭ, pradpryjemstvaŭ i arhanizacyj dla naviadzieńnia paradku na zamacavanych terytoryjach».
Fota: Čytač Tut.by.
Rasparadžeńnie Šorca nakiravana ŭ «Minskuju haradskuju žyllovuju haspadarku», «Zielanbud», «Harramaŭtadar», a taksama ŭ administracyi rajonaŭ stalicy.
