U Mazyry siastra ŭdaryła brata nažom, a paśla sama akazała jamu pieršuju miedycynskuju dapamohu, paviedamlaje telekanał «Mazyr». Za pryčynieńnie ciažkich cialesnych paškodžańniaŭ u dačynieńni da žančyny raspačata kryminalnaja sprava.
Siastra z bratam adpravilisia ŭ hości da znajomaha. Haspadar kvatery pajšoŭ spać. Svajaki na kuchni razmaŭlali. Havorka zajšła pra asabistaje žyćcio. Słova za słova, stali łajacca. 40-hadovaja žančyna schapiła nož i ŭvatknuła jaho ŭ ściahno brata, trapiła ŭ arteryju. Sama žachnułasia ad taho, što narabiła, i stała akazvać pieršuju miedycynskuju dapamohu. Terminova vyklikali chutkuju dapamohu.
Paciarpieły mužčyna ŭ ciažkim stanie byŭ dastaŭleny ŭ reanimacyju. Jaho siastra — u milicyju. Vynik ahladu — 2,6 pramile ałkaholu ŭ kryvi. Mužčyna daravaŭ svajoj starejšaj siastry. Tym nie mienš, mazyranka budzie adkazvać pierad sudom.
