Fota Darji Burakinaj
Uładalnik hrupy kampanij A-100 Alaksandr Center vystaviŭ na prodaž sietku adnajmiennych zapravak. Pra heta TUT.BY raspaviali try krynicy ŭ finansavaj śfiery i naftapierapracoŭcy.
«Dachody ŭpali, biznes ścisnuŭsia, daŭhi istotnyja. Vychady dva — albo pradać, albo pryciahnuć inviestara», — skazaŭ adzin z surazmoŭcaŭ.
«Tak, A-100 vystaviła na prodaž i zapraŭki, i naftabazy. Kolki chočuć? Doraha. Pry takich nadbaŭkach biznes vielmi składany. Chto moža kupić? Moža, rasiejcy kupiać. Ale heta budzie bolš palityka», — adznačyła krynica ŭ naftapierapracoŭčym biznesie.
A-100 — heta adzinaja bujnaja ŭ Biełarusi sietka AZS ź biełaruskim pryvatnym kapitałam. Jana naličvaje 34 zapravačnyja stancyi z naboram roznych servisaŭ, havorycca na sajcie kampanii. Bolšaja častka zapravak znachodzicca ŭ Minsku i Minskim rajonie.
