movananova.by
Viadomy biełaruski baksior Vital Hurkoŭ ŭ storys paviedamiŭ, što jaho zała dla zaniatkaŭ adkryjecca mierkavana 15 vieraśnia.
«Adkryćcio zapłanavana prykładna na 15 vieraśnia. Ale dakładnuju datu usie dakładna daviedajucca, ja pra heta paviedamlu ŭ anonsie», — raspavioŭ Hurkoŭ.
Nahadajem, raniej u intervju błohu «Fakt_Sport» na Tribuna.com Hurkoŭ anansavaŭ adkryćcio pamiaškańnia.
— Z pryčyny traŭmy, ci zadumvaješsia pra svaju budučyniu biez sporta?
— Jak by nie skłałasia žyćcio, pa-lubomu ja chaču być kala sportu. U chutkim časie ja adkryju svaju zału — maleńkuju, utulnuju, u dobrym miescy. Heta zakanamiernaje raźvićcio karjery prafiesijnaha spartsmiena. Nie zaraz, ale ŭ budučyni chaciełasia b pracavać ź dziećmi. Pieradavać svoj žyćciovy i prafiesijny dośvied, natchniać i zapalvać sercy da dziejańnia. Kali ty vieryš, ty možaš zrabić usio. Možaš stać rok-muzykam i adnačasova baksiravać. I nie treba dla hetaha nikudy źjazdžać. Chočaš stać krutym spartsmienam? Kali łaska. Niama miežaŭ. Jość praca, jość meta. Čas usio rasstavić pa miescach. Dajecca kožnamu pa pracy jaho.
