Wikimedia Commons
Prezident Vieniesueły Nikałas Madura ličyć, što jaho kraina całkam hatovaja da ekanamičnaj reformy, jakaja adbudziecca 20 žniŭnia. Pra heta jon zajaviŭ u paniadziełak u efiry dziaržaŭnaha telebačańnia, piša TASS.
«My padrychtavanyja ŭ techničnym, palityčnym, instytucyjanalnym, a taksama finansavych adnosinach da [reformy] 20 žniŭnia, kab pačać novy hrašovy kurs. Ja prašu padtrymki ŭsioj krainy. Abjaŭlaju 20 žniŭnia niepracoŭnym dniom», — zajaviŭ Madura.
Lidar Vieniesueły taksama padkreśliŭ, što jaho kraina ruchajecca «da narmalizacyi, da krainy z adčuvalnaj stabilnaściu z płanam adnaŭleńnia, rostu i ekanamičnaha roskvitu». «My pracujem nad prahramaj adnaŭleńnia, my demantujem tuju zahannuju sistemu, jakuju my ŭstalavali z-za ekanamičnaj vajny», - dadaŭ prezident.
20 žniŭnia ŭłady Balivaryjanskaj Respubliki źbirajucca pravieści denaminacyju, prybrać z kupiur piać nuloŭ, i pryviazać novuju valutu — suvierenny balivar —da vieniesuelskaj kryptavaluty Pietra. Košt adnoj jaje adzinki pryraŭnanaja da koštu barala nafty, što zdabyvajecca ŭ krainie.
