Kałaž: Dailystorm.
Deputat Dziarždumy Natalla Pakłonskaja vyjšła zamuž za kiraŭnika aparata ŭpaŭnavažanaha pa pravach čałavieka Ivana Sałaŭjova. Šlub adbyŭsia ŭ minułyja vychodnyja ŭ Krymie. Pra heta paviedamlaje Daily Storm.
Sa spasyłkaj na apovied haściej vydańnie piša, što «viasielle było ścipłaje, ale z hustam». Na cyrymonii byli kalehi Pakłonskaj pa nižniaj pałacie rasijskaha parłamienta, svajaki, kalehi ź siłavych struktur.
U kamientary Daily Storm Natalla Pakłonskaja nie abvierhła i nie paćvierdziła infarmacyju ab svaim zamužžy. «Pakul nie hatovaja kamientavać asabistaje žyćcio», — skazała jana.
U červieni minułaha hoda Pakłonskaja paviedamiła, što rasstałasia z mužčynam, jakoha raniej nazyvała svaim mužam. Pavodle jaje słoŭ, jana pradstaŭlałasia zamužniaj, kab paźbiehnuć prystavańnia.
