Minułaj nočču nad Biełaruśsiu ŭ čarhovy raz pranieślisia Piersieidy — adzin z samych intensiŭnych i pryhožych mieteornych patokaŭ. Naziralniki paviedamili, što navat za karotkuju biełaruskuju letniuju noč u niebie možna było naličyć bolej za 300 źničak: mieteory pralatali ŭ siarednim čaściej čym raz na chvilinu. Kali raptam vy ŭsio prapuścili, nie pieražyvajcie — choć i z našmat mienšaj aktyŭnaściu, patok Piersieidy možna nazirać ažno da 24 žniŭnia.
Niahledziačy na sapraŭdny mieteorny doždž, sfatahrafavać mieteory dosyć ciažka: z-za vysokaj chutkaści na fota pakidajuć śled tolki samyja jarkija ź ich. Kab atrymać hetyja zdymki, fatohraf Viktar Małyščyc patraciŭ bolš za 1500 kadraŭ, zroblenych u Staŭbcoŭskim rajonie la Nalibockaj puščy.
