U žniŭni Ziamla prachodzić praź mieteorny patok Piersieidy. Kali nieba jasnaje, za hadzinu na im možna pabačyć dziasiatki źničak.
Pik mieteornaha patoku sioleta prypadzie na nočy z 11 na 12 i z 12 na 13 žniŭnia.
Hladzieć na Piersieidy lepš za miežami nasielenych punktaŭ: vuličnyja lichtary i śviatło z voknaŭpieraškadžajuć bačyć mieteory va ŭsioj pryhažości.
Piersieidy - mieteorny patok, jaki źjaŭlajecca štohod u žniŭni z suzorja Piersieja. U atmaśfieru Ziamli na chutkaści kala 59 km/s uvachodziać drobnyja čaścicy chvasta kamiety Śvifta-Tutla. Sama kamieta, jadro jakoj dasiahaje 26 km u dyjamietry, nabližajecca da Ziamli raz na 135 hadoŭ (apošni raz — u 1992). Adnak praz šlejf pakinutych joju pyłavych čaścic Ziamla prachodzić štohod 17—24 žniŭnia.
