Pamior Alaksandr Kulinkovič — vakalist biełaruskaha hurtu «Niejra Dziubiel». Jamu było 46 hadoŭ.
Pryčynaj śmierci stała lohačnaja niedastatkovaść.
Kulinkovič sa svaimi pankaŭskimi pieśniami byŭ adnoj z najiarčejšych zorak roka 90-ch, pakaleńnia niezaležnaści.
Kulinkovič naradziŭsia ŭ Smalavičach, ź piaci hadoŭ žyŭ u Minsku. Advučyŭsia ŭ PTV pa śpiecyjalnaści «santechnik», a ŭ Biełaruskim dziaržaŭnym univiersitecie (fakultet žurnalistyki) skončyŭ tolki pieršy kurs.
Jon padtrymlivaŭ nacyjanalna-demakratyčnuju apazicyju, za heta trapiŭ u stvoranyja ideołahami čornyja śpisy. Jamu zabaraniali vystupać, urešcie jon vymušany byŭ pajści kałumnistam u «Sovietskuju Biełoruśsiju».
Da apošniaha jon bajaŭsia znoŭ akazacca zabaronienym dla sceny.
Uviesnu 2018-ha jon admoviŭsia śpiavać na Dni Voli i vielmi niervova adreahavaŭ na chvalu krytyki, što abrynułasia na jaho za heta navat z boku siabroŭ i byłych prychilnikaŭ.
Heta byŭ sapraŭdny tvorca.
«Voś tak i skanaŭ miž azioraŭ i rek
Tutejšy, ale ŭžo marski čałaviek.
Lažyć u svajoj biełaruskaj ziamli
U draŭlanym apošnim svaim karabli…»
«Naša Niva» dałučaje svaje spačuvańni Sašavaj siamji i ŭsioj biełaruskaj rok-supolnaści.
Čytajcie taksama: Kulinkovič pra kancert la Opiernaha: Vam rabić nie**j, vy nie kachajecie, siabrujecie tolki z rukoj — adny zahavory «Žyvie Biełaruś!»
Kulinkovič: Kali ty zabaronieny, ty nie raźvivaješsia
Kulinkovič paprasiŭ prabačeńnia ŭ hledačoŭ za kancert, na jakim jon byŭ pjany ŭ dym
