Drukavany orhan Administracyi prezidenta «Sovietskaja Biełoruśsija» apublikavaŭ artykuł, pryśviečany pavodzinam maładafrontaŭca Źmitra Daškieviča.
Materyjał, aŭtaram jakoha vystupaje «adździeł žurnalisckich rasśledavańniaŭ», nazyvajecca «Z asablivym cynizmam».
U im raskazvajecca pra toje, što Źmicier Daškievič z paplečnikami ŭstalavaŭ novyja kryžy ŭ Kurapatach, nie ŭziaŭšy adpaviedny dazvoł u miascovaha lashasa. Ale pretenzii «Sovietskoj Biełoruśsii» pieradusim da publičnaści Daškieviča:
Kryžy, ustalavanyja Daškievičam. Fota Vitala Pivavarčyka.
«Inicyjatyva dziŭnaja ŭ svajoj ujaŭnaj metazhodnaści. I dobra b realizavana jana była ścipła, cicha i pa zahadzie dušy. Dyk nie. U sacsietkach viałasia žyvaja tranślacyja ź piermanientnym zaklikam dałučacca da dziejstva usim achvotnym».
«Daškievič pastupiŭ vielmi cynična: naplavaŭ na asablivy achoŭny status Kurapataŭ, pahardžaŭ patrabavańniami zakona, praihnaravaŭ jak praceduru ŭzhadnieńnia svaich rabot pa ŭstanoŭcy kryžoŭ, tak i administracyjny razbor hetaha parušeńnia.
Čamu jon śviadoma na heta pajšoŭ? Adkaz vidavočny: hramadski aktyvist adčajna maje patrebu ŭ samarekłamie. Dziela hetaha jon hatovy pierastupić i cieraz hranicu achoŭnych zon Kurapat», — pierakonvaje ananimny aŭtar.
Aŭtar padmacoŭvaje svaje dumki vykazvańniem Zianona Paźniaka.
«Kali my dazvolim roznaha rodu aktyvistam pastupać tak, jak im chočacca, a nie jak naležyć pa zakonie, to nieŭzabavie zhubim i pamiać, i honar, i sumleńnie», — padsumoŭvaje aŭtar.
Pra restaran «Pajedziem pajadzim», źjaŭleńnie jakoha i vyklikała kanflikt u Kurapatach, «adździeł rasśledavańniaŭ» nie ŭzhadvaje ni razu.
Kamientaroŭ pad artykułam niama, bo paśla prychoda Dźmitryja Žuka na pasadu hałoŭnaha redaktara vydańnia jany adklučanyja.