Talaka — heta kraŭdfandynhavaja płatforma, jakaja dapamahaje realizoŭvacca mnohim prajektam. Za 5 hadoŭ pačali pracu 1824 inicyjatyvy. Pry padviadzieńni vynikaŭ akazałasia, što tolki 1 z 5 pačatych prajektaŭ paśpiachova realizoŭvajecca. Bolšaść spyniajecca ŭ samym pačatku. Heta prablema. Dla jaje vyrašeńnia Talaka zapuściła zbor srodkaŭ.
«Kožny z tych, chto nie realizavaŭ prajekt moh by damahčysia pośpiechu na druhi ci treci raz. Ale statystyka kaža, što bolšaja častka ź ich nie viernucca da svajho prajektu. Jany nie stanuć novymi aŭtarami paśpiachovych startapaŭ, nie stvorać novyja pracoŭnyja miescy, nie buduć inviestavać u inšyja prajekty. Nja adrestaŭrujuć zakinuty zamak, nie vypuściać novuju knihu, nie praviaduć haradski fiestyval. Kolkaść nierealizavanych prajektaŭ možna pamienšyć. My dakładna viedajem jak. Dla hetaha my zapuskajem zbor na Talaka 2.0.» — zajaviŭ zasnavalnik płatformy Jaŭhien Kliševič.
Jość šmat pryčyn, čamu prajekty nie dachodziać da realizacyi. Voś asnoŭnyja ź ich.
Nie zmahli znajści kamandu
Pačatkoŭcy časta hublajucca na hetym etapie. Naprykład, aŭtar viedaje, što jamu patrebien markietołah. Ale jak znajści taho samaha? Ludziej z takimi śpiecyjalnaściami tysiačy - a tych, chto padydzie vam usiaho niekalki čałaviek.
Bujnaja firma pajšła b u HR-ahienctva abo stała pierabirać vakansii ŭ internecie, ale heta dakładna nie varyjant aŭtara prajekta. Patrebna baza ludziej, jakija hatovyja dapamahčy biaspłatna abo za simvaličnyja hrošy. Pry hetym dapamoha patrebna kvalifikavanaja.
Talaka ŭžo vałodaje takoj bazaj, ale technična tam składana kahości znajści.
Talaka 2.0 dazvolić znachodzić mienavita tych, chto patrebien i pazbavić ad doŭhich listavańniaŭ ź nieprydatnymi śpiecyjalistami.
Nje vučylisia na čužych pamyłkach
Pačatkoŭcy časta nie viedajuć, jak spłanavać pracu. Jakija zadačy hałoŭnyja, a jakija druhasnyja. U vynikach aŭtar marnuje šmat času na takoje płanavańnie, ale ni da čaho nie prychodzić. A dakładniej, jon prychodzić da adčuvańnia, što času na prajekt u jaho niedastatkova.
Na samoj spravie pravilnaje płanavańnie pakaža, što času treba nie tak šmat. Mnohija paśpiachovyja aŭtary sumiaščajuć asnoŭnuju pracu i prajekty na Talaka.
Talaka 2.0 z łajfchaki dazvolić skłaści płan i paźbiehnuć raspaŭsiudžanych pamyłak. Kali aŭtar nie znojdzie adkazu na svaje pytańni — aŭtary padobnych prajektaŭ padkažuć kudy ruchacca dalej.
Nie znajšli hrošy dla prajekta
Z hetaj prablemaj sustrakajucca amal usie aŭtary. Jakim by ni byŭ prajekt, dla jaho realizacyi amal zaŭsiody patrebnyja hrošy. Pačatkoŭcy hublajucca i nie viedajuć, jak acanić nieabchodnuju sumu i arhanizavać zbor.
Kraudfandynh na Talaka ŭžo paśpiachova pracuje, ale zdarajucca techničnyja zboi. Talaka 2.0 budzie pracavać dakładna, biez zbojaŭ, dla ŭsich kredytak usich krain śvietu.
Meta Talaka 2.0 — vyrašyć hetyja prablemy pačatkoŭcaŭ i pryvieści da paśpiachovaj realizacyi 3 z 5 prajektaŭ. Dapamahčy heta zrabić možna tut.
