U mai 25-hadovy žychar Śvietłahorska dazvoliŭ skarystacca svajoj kvateraj 38-hadovamu znajomamu. Jon vyrašyŭ pakuryć tam marychuanu. Ciapier haspadaru kvatery pahražaje kryminalnaje pakarańnie.
«Padazravany daŭ pamiaškańnie asobie, jakaja dapuskaje niemiedycynskaje ŭžyvańnie narkotykaŭ, — tłumačyć śledčy pa asabliva važnych spravach Vasil Marušenka. — Padčas ahladu kvatery byli kanfiskavanyja narkatyčnyja rečyvy i prystasavańni dla ich ŭžyvańnia».
U dačynieńni da haspadara kvatery raspačata kryminalnaja sprava pa č.1. art. 332 KK Biełarusi «Pradastaŭleńnie pamiaškańniaŭ dla vyrabu, pierapracoŭki i (abo) spažyvańnia narkatyčnych srodkaŭ, psichatropnych rečyvaŭ, ich anałahaŭ abo inšych adurmańvajučych rečyvaŭ».
Mužčynu pahražaje pakarańnie ŭ vyhladzie aryštu, abo abmiežavańnia voli na termin da piaci hadoŭ, abo pazbaŭleńnia voli na termin ad dvuch da piaci hadoŭ.