U Skidzieli pjany biaspraŭnik pabiŭ davieranuju jamu dla ramontu mašynu, paviedamlaje DAI UUS Hrodzienskaha abłvykankama.
Ranicaj 12 lipienia ŭ dziažurnuju častku Skidziela pastupiła paviedamleńnie, što jedzie «Ford», za rulom jakoha znachodzicca niećviarozy kiroŭca. Narad milicyi, jaki znachodziŭsia pobač, adrazu adreahavaŭ na paviedamleńnie. Kiroŭca lehkavika zaŭvažyŭ patrulny aŭtamabil i vyrašyŭ praciahnuć šlach nie pa darozie i źjechaŭ u kiuviet, paškodziŭšy pry hetym mašynu.
Kiroŭca «Forda» byŭ zatrymany. U 34-hadovaha parušalnika byli prykmiety ałkaholnaha apjanieńnia, tamu jaho dastavili na ahlad. Kolkaść ałkaholu ŭ jaho arhaniźmie pieravysiła 1,9 pramile.
Na žychara Skidala skłali čatyry pratakoły, jamu pahražaje kryminalnaja adkaznaść. «Ford», jaki parušalniku nie naležyć, moža być kanfiskavany.
