Hiendyrektara adnaho ź dziaržchołdynhaŭ zatrymali za chabar u 85 tysiač jeŭra, paviedamiła BIEŁTA staršy opierupaŭnavažany pa asabliva važnych spravach hałoŭnaha ŭpraŭleńnia pa baraćbie z ekanamičnymi złačynstvami MUS Vieranika Paśmiećjeva.
«Supracoŭniki hałoŭnaha ŭpraŭleńnia pa baraćbie z ekanamičnymi złačynstvami kryminalnaj milicyi MUS za atrymańnie chabaru ŭ asabliva bujnym pamiery ad pradstaŭnika kamiercyjnaha subjekta zatrymali ŭ Miensku hienieralnaha dyrektara adnaho ź dziaržaŭnych chołdynhaŭ. Pamier niezakonnaha hrašovaha ŭznaharodžańnia za zabieśpiačeńnie pieramohi ŭ tendery na zakupku technałahičnaha abstalavańnia i svoječasovaj apłaty skłaŭ 85 tysiač jeŭra. Pry pieratrusie ŭ jaho doma kanfiskavana 140 tysiač dalaraŭ u ekvivalencie », - prainfarmavała Vieranika Paśmiećjeva.
Śledčym kamitetam u dačynieńni da kiraŭnika chołdynhu zaviedziena kryminalnaja sprava pa č.3 art. 430 KK (atrymańnie chabaru ŭ asabliva bujnym pamiery). Jaho sankcyja praduhledžvaje pakarańnie ŭ vyhladzie pazbaŭleńnia voli terminam da 15 hadoŭ z kanfiskacyjaj majomaści i z pazbaŭleńniem prava zajmać peŭnyja pasady abo zajmacca peŭnaj dziejnaściu. Pravodzicca dalejšaje rasśledavańnie.
