Usio kasavaje abstalavańnie ŭ Biełarusi z 1 lipienia pavinna być abstalavanaje sistemaj kantrolu padatkovych orhanaŭ (SKPO), paviedamili BIEŁTA ŭ pres-słužbie Ministerstva pa padatkach i zborach.
«U adpaviednaści z terminami, ustalavanymi ŭ pastanovie Savieta Ministraŭ i Nacyjanalnaha banka №924/16, z 1 lipienia 2018 hoda dla jurydyčnych asob, jakija ažyćciaŭlajuć dziejnaść na ŭsioj terytoryi Biełarusi ustanoŭleny abaviazak prymać najaŭnyja hrašovyja srodki z vykarystańniem kasavaha abstalavańnia z ustalavanym srodkam kantrolu padatkovych orhanaŭ», — adznačyli ŭ ministerstvie i ŭdakładnili, što norma nie datyčycca jurydyčnych asob, jakija ažyćciaŭlajuć dziejnaść u haradach abłasnoha padparadkavańnia i Minsku (tam jano ŭstupiła ŭ siłu raniej), a taksama haradach rajonnaha padparadkavańnia.
Pry hetym vyšejpaznačanyja jurydyčnyja asoby na praciahu šaści miesiacaŭ (da 1 studzienia 2019 hodu) majuć prava ažyćciaŭlać pryjom najaŭnych hrašovych srodkaŭ z vykarystańniem kasavaha abstalavańnia biez SKPO, ale pry ŭmovie zaklučeńnia da 1 lipienia 2018 hoda hramadzianska-pravavoha dahavora z respublikanskim unitarnym pradpryjemstvam «Infarmacyjna-vydaviecki centr pa padatkach i zborach» na ŭstanoŭku, absłuhoŭvańnie, źniaćcie srodku kantrolu padatkovych orhanaŭ.
U Ministerstvie pa padatkach i zborach nahadali, što za vykarystańnie kasavaha abstalavańnia biez SKPO pa zakančeńni terminaŭ, vyznačanych pastanovaj №924/16, praduhledžana administracyjnaja adkaznaść.
