Prezident ZŠA Donald Tramp napiaredadni zaklikaŭ Saudaŭskuju Araviju rezka pavialičyć zdabyču nafty dla baraćby z rostam jaje cany, piša Bi-bi-si.
«Tolki što pahavaryŭ z saudaŭskim karalom Sałmanam i rastłumačyŭ jamu, što praź ciažkaści i biezdapamožnaść ŭ Iranie i Vieniesuele ja prašu Saudaŭskuju Araviju pavialičyć vytvorčaść nafty. Moža być na 2 młn baralaŭ», — napisaŭ Tramp ŭ Tvitary.
«Ceny zanadta vysokija! Jon pahadziŭsia!» — śćviardžaŭ amierykanski prezident.
Saudaŭskaj ahienctva navin paćvierdziła, što Tramp i karol Sałman ibn Abduł-Aziz Al Saud havaryli pa telefonie i abmierkavali nieabchodnaść «zachavać stabilnaść na naftavym rynku». Adnak u hetym paviedamleńni nie było ni słova pra toje, što saudaŭski manarch pahadziŭsia pavysić zdabyču na 2 młn baralaŭ.
«Saudaŭskaj Aravii nie vielmi b chaciełasia vychodzić za miežy 11 młn barelaŭ na dzień i jana nie źbirajecca pašyrać svaje vytvorčyja mahutnaści. Heta doraha», — skazaŭ na ŭmovach ananimnaści saudaŭski čynoŭnik.
Paźniej Bieły dom udakładniŭ pazicyju Trampa. U razmovie ź im karol skazaŭ tolki, što hatovy naraścić zdabyču ŭ vypadku nieabchodnaści, skazana ŭ zajavie.
«U adkaz na acenku prezidentam deficytu na rynku nafty karol Sałman paćvierdziŭ, što karaleŭstva maje reziervovyja mahutnaści ŭ pamiery 2 młn baralaŭ na dzień, jakija budzie razumna vykarystoŭvać, kali budzie nieabchodnaść zabiaśpiečyć bałans na rynku», — skazana ŭ zajavie pres- sakratara prezidenta ZŠA Sary Sanders.