Maksimalny kurs prodažu dalara ZŠA ŭ abmiennych punktach Minska pa stanie na ranicu 29 kastryčnika dasiahnuŭ 2.185 biełaruskich rubloŭ.
Taki kurs prodažu ŭstanavili adrazu niekalki bankaŭ. Pry hetym maksimalny kurs pakupki adnoj adzinki amierykanskaj valuty skłaŭ 2.150 rubloŭ, minimalny — 2.115 rubloŭ.
U paraŭnańni z pačatkam tydnia kurs prodažu dalara ŭ minskich abmieńnikach vyras na niekalki dziesiatkaŭ rubloŭ.
Jak zajaviŭ BiełaPAN pres‑sakratar Nacyjanalnaha banka Michaił Žuravovič, usplosk popytu na najaŭnyja dalary z boku nasielnictva pačaŭ fiksavacca z pačatku hetaha tydnia. «Paŭtarajecca situacyja, jakaja raniej sioleta ŭžo nazirałasia ź jeŭra, kali na fonie niekatoraha rostu kursu jeŭrapiejskaj valuty asobnyja hramadzianie kinulisia pazbaŭlacca ad dalaraŭ i skuplać jeŭra ŭ bankach. Ciapier usio adbyvajecca z dakładnaściu da naadvarot», — zaznačyŭ pres‑sakratar.
Na jaho dumku, banki ŭ cełym u stanie zadavolić pavyšany popyt nasielnictva na dalary. Pry hetym M.Žuravovič dapuskaje, što niejkija ciažkaści ŭ hetym pytańni mohuć uźniknuć, asabliva ŭ abmiennych punktach, jakija raźmieščany ŭ centralnaj častcy horada. U rehijonach niedachop najaŭnaha dalara moža, pavodle jaho słoŭ, tłumačycca niedastatkovaj kolkaściu samich bankaŭ. «Plus dzieści ŭźnikaje situacyja, kali dalar u rehijonach skuplajuć pryjezdžyja z Rasii i Ukrainy, dzie dziejničajuć peŭnyja abmiežavańni, a ŭ nas abmiežavańniaŭ niama», — patłumačyŭ pradstaŭnik Nacbanka.
