30 maja rada Histaryčnaha instytuta Varšaŭskaha ŭniviersiteta zaćvierdziła Hienadziu Sahanoviču stupień doktara habilitavanaha ŭ halinie humanitarnych navuk pa śpiecyjalnaści historyja. Heta anałah stupieni doktara histaryčnych navuk u biełaruskaj sistemie.
Dla hetaj stupieni asobnaj dysiertacyi ŭ jeŭrapiejskich univiersitetach nie patrabujecca. Za padstavu abarony biarecca habilitacyjnaja manahrafija i ŭvieś navukovy darobak. U vypadku Hienadzia Sahanoviča manahrafijaj była jahonaja kniha «Hrunvald u biełaruskaj historyi. Sproba razboru palityčnaha mifa».
57-hadovy ŭradženiec vioski Turnaja pad Ivacevičami Hienadź Sahanovič — vydatny biełaruski historyk. Jon aŭtar papularnaj knihi «Nieviadomaja vajna» i suaŭtar «Dziesiaci viakoŭ biełaruskaj historyi», zasnavalnik almanacha «Biełaruski histaryčny ahlad». U 2005 hodzie jaho zvolnili z Akademii navuk Biełarusi nibyta za «parušeńnie pracoŭnaj dyscypliny» ŭ časie čystki navukovych apanientaŭ tahačasnaj aficyjnaj ideałohii.
