«Mnie chaciełasia skazać nie, kali prapanavali ŭdzieł u apieracyi. Chaciełasia sabrać šmotki i źniknuć niedzie na Paŭnočnym polusie», — raspavioŭ Babčanka.
«Ale heta było niemahčyma, tamu daviałosia pracavać», — praciahnuŭ jon. Na pytańnie, ci byli ŭ jaho aściarohi prymać udzieł u takim fiejku, Babčanka adkazaŭ: «Havorka nie išła pra fiejk-ńjus, havorka išła ab śpiecapieracyi».
«Kali tabie pakazvajuć usie tvaje dakumienty, dakumienty žonki, fota doma, takija fota, jakija byli tolki ŭ rasijskim pašpartnym stale, ty nie pytaješ, ci nie fiejk heta ńjus. Ty dumaješ pra toje, jak vyžyć», — raspavioŭ žurnalist.
Pytańnie ab tym, što stała vynikam śpiecapieracyi, Babčanka pieraadrasavaŭ SBU. «Dasiahnuta było toje, što złačynstva ŭdałosia praduchilić, i pry hetym sabrana ŭsia dokaznaja baza», — rastłumačyŭ jon.
Babčanka paćvierdziŭ infarmacyju ab tym, što jaho žonka była ŭ kursie apieracyi, pra što raniej raspavioŭ jaho siabar.
«Žonka, viadoma, viedała, tamu što ŭsio rabiłasia ŭ našaj chacie na jaje vačach», — skazaŭ jon. «Ale ja vielmi prašu nie ŭciahvać jaje ŭ hetuju spravu. Ja stamiŭsia bajacca za siabie i nie chaču bajacca za svaju siamju», — dadaŭ jon i jašče raz vykazaŭ škadavańnie ŭ suviazi z tym, što «pryjšłosia siabroŭ praciahnuć praz usio heta».
Na pytańnie, ci nie baicca jon, što pacierpić jaho reputacyja žurnalista i nie budzie heta historyja na karyść rasijskim uładam, Babčanka adkazaŭ iranična: «Kali da vas pryjduć i skažuć, voś zakaz na tvajo zabojstva, vy staniecie ŭ hanarlivuju pozu i skažacie: ja dumaju ab reputacyi ŚMI, chaj mianie zabjuć! Napierad!»
«Havorka nie išła pra fiejk, havorka išła ab śpiecapieracyi, - nastojvaje Babčanka. — Padrychtoŭka išła doŭha, miesiac. Kali vyrašyli, što robim u hety dzień, pryjšoŭ hrymior. My treniravalisia padać. Mianie zahrymiravali. Kroŭ była naturalnaja. Usio było pa-sapraŭdnamu».
«Žonka patelefanavała ŭ palicyju i «chutkuju dapamohu». Pryjechaŭ narad i lekary, — praciahnuŭ Babčanka. — Mianie pakłali na nasiłki, spuścili ŭ karetu [»chutkaj dapamohi»]. Lehienda była, što ja jašče žyvy».
«My adjechali, potym ja «pamior».»Chutkaja» paviedamiła ab fakcie majoj śmierci. Paśla hetaha mianie advieźli ŭ morh. Pakul varoty nie začynilisia, u morhu ja prykidvaŭsia miortvym», — raspavioŭ žurnalist
«U morhu zaviali ŭ pakoj sanitara, tam ja uvaskros, źniaŭ futbołku i ŭmyŭsia. Uklučyŭ televizar i sieŭ hladzieć naviny pra majo «zabojstva». Paśla hetaha mianie advieźli ŭ biaśpiečnaje miesca. Skončyłasia ŭsio tolki a piataj ranicy», — paviedamiŭ žurnalist.
