U Jerevanie demanstracyja kala haradskoj meryi pryviała da taho, što aktyvisty ŭvarvalisia ŭ budynak i pasprabavali prabicca da kabinieta kiraŭnika administracyi Tarona Marharana. Ludzi zapatrabavali jaho nieadkładnaj adstaŭki.
Supakoić aktyvistaŭ pasprabavaŭ namieśnik mera David Ahanian, adnak demanstranty zajavili, što chočuć razmaŭlać asabista z Marharanam, što pradstaŭlaje Respublikanskuju partyju Armienii.
Padstavaj dla incydentu stała situacyja vakoł parku 2800-hodździa Jerevana. Ułady pačali tam ramontnyja raboty i pastavili aharodžy. Adnak u sacyjalnych sietkach stali raspaŭsiudžvacca paviedamleńni ab tym, što ŭ parku idzie masavaja vysiečka dreŭ. Aktyvisty źnieśli płot, paśla čaho vyśvietliłasia, što padstavy dla hetych paviedamleńniaŭ byli.
Načalnik ekałahičnaha ŭpraŭleńnia meryi Aviet Marcirasian pasprabavaŭ rastłumačyć, što siekli tam u asnoŭnym vierby, a taksama suchija drevy. Jon zajaŭlaŭ aktyvistam, što ŭ ramkach prahramy dobraŭparadkavańnia ŭ parku vysadziać značna bolš prydatnyja dla horada akacyi. Adnak ludzi ź im nie pahadzilisia i pajšli da meryi. Pryčym niekatoryja ź ich adpravilisia tudy sa stvałami śsiečanych dreŭ, paviedamlaje vydańnie PanArmenian.
