Karcinu mastaka-avanhardysta Kazimira Maleviča «Suprematyčnaja kampazicyja» pradali za $ 85,8 młn u aŭtorak na aŭkcyjonie Christie's u Ńju-Jorku. Pra heta paviedamili na sajcie aŭkcyjonnaha doma.
Adznačajecca, što pałatno było napisana ŭ studzieni 1916 hoda paśla pieršaj vystavy prac «suprematyzmu», jakaja adbyłasia za miesiac da hetaha ŭ Pietrahradzie. Z 1919 pa 1958 hod karcina vystaŭlałasia ŭ Maskvie, Varšavie i Bierlinie, paśla čaho jaho spadkajemcy pradali karcinu muzieju Stedelik u Amsterdamie. Pieršapačatkova pałatno aceńvałasia Christie's u $ 70 młn.
Pradstaŭniki aŭkcyjonnaha doma na svajoj staroncy ŭ Twitter abviaścili, što suma, vyručanaja za «Suprematyčnuju kampazicyju», ŭstanaviła novy suśvietny rekord dadzienaha mastaka za paŭtorna pradavanuju pracu. U 2008 hodzie karcinu pradali na aŭkcyjonie Sotheby's u Ńju-Jorku nieviadomamu pakupniku za $ 60 młn.
