«Zabyty korpus: historyja polskaha vojska na terytoryi Babrujščyny ŭ 1918, 1919-1920 hadach. Minsk: Alfa-kniha, 2018 — 224 s. Ciena 114 r.30 k.
Aŭtar, na padstavie bahataj archiŭnaj bazy i z vykarastańniem šmatlikich unikalnych zdymkaŭ raskryvaje historyju farmiravańnia i dziejnaści Pieršaha Polskaha korpusa ŭ Babrujsku ŭ 1918 hodzie, a taksama padrabiazna apisvaje aśpiekty historyi polska-balšavickaj vajny 1919-1920 hadoŭ na terytoryi Babrujščyny.
Vialikaja ŭvaha ŭ knizie nadadziena historyi stvareńnia Biełaruskaj Narodnaj Respubliki i analizu stasunkaŭ pamiž polskimi vojskami i biełaruskimi ŭładami, a taksama miascovym nasielnictvam.
Ihar Mielnikaŭ — kandydat histaryčnych navuk, mahistr Varšaŭskaha ŭniviersiteta, śpiecyjalist pa vajskovaj historyi Biełarusi. Aŭtar knih «Zachodniebiełaruskaja Atłantyda 1921-1941 hh Pamiž Varšavaj i Maskvoj», «Zabytyja hieroi. Žaŭniery ź Biełarusi ŭ Druhim polskim korpusie i Pieršaj polskaj asobnaj pavietrana-desantnaj bryhadzie», «Adysieja palešuka», «Miaža była pad Minskam 1921-1941 hh.» Łaŭreat Premii imia Vacłava Łastoŭskaha za papularyzacyju viedaŭ pa historyi Biełarusi. (2014).
