Rybak na race Zachodniaja Biarezina zahinuŭ ad udaru tokam, paviedamlaje «Minskenierha».
Kala raki Biarezina pablizu vioski Zamoście 9 maja rybak zakranuŭ vudaj provad pavietranaj linii 35 kV. Mužčyna byŭ dastaŭleny ŭ balnicu, miedyki kanstatavali śmierć paciarpiełaha.
U toj ža dzień padobny vypadak zdaryŭsia i ŭ Minsku na terytoryi haražnaha kaapieratyva. Mužčyna nabliziŭ vuhlapłastykavuju vudu na niedapuščalnuju adlehłaść da linii elektrapieradačy 110 kV, trapiŭ pad napružańnie, atrymaŭ termičnyja apioki i byŭ špitalizavany.
Śpiecyjalisty zaklikajuć amataraŭ rybnaj łoŭli nia być biesturbotnymi, vykonvać patrabavańni papieradžalnych i zabaranialnych płakataŭ, nie łavić rybu la pavietranych linij elektrapieradačy.
0
0
0
0
0
0