Sud Centralnaha rajona 3 maja razhledzieŭ administracyjnuju spravu Viačasłava Kasinierava pa art. 17.1 (drobnaje chulihanstva) za fajer, zapaleny na mitynhu niezaležnych prafsajuzaŭ u Kijeŭskim skviery 1 maja. Vynik — 10 sutak aryštu, piša spring96.org
Pieršy raz Viačasłava Kasinierava zatrymali na mitynhu ŭ Kijeŭskim skviery ź inšymi dźviuma aktyvistami anarchisckaha ruchu, jakija zakryvali tvary maskami. Jany razharnuli transparant «Svaboda, roŭnaść, raŭnapraŭje, samakiravańnie», za što byli papiaredžanyja načalnikam minskaha AMAPu Dźmitryjem Bałabaj, a zatym i arhanizatarami mitynhu.
Pad čas sychodu ź mitynhu ich zatrymali supracoŭniki milicyi ŭ cyvilnym i dastavili ŭ RUUS Centralnaha rajona Minska. Paźniej stała viadoma, što Viačasłava Kasinierava razam ź jašče adnym udzielnikam pikietu adpuścili z RUUSa.
U sieradu kali Viačasłaŭ Kasinieraŭ pryjšoŭ na sud, kab padtrymać zatrymanaha na Pieršamai Alaksieja Zujeva, jaho zatrymali 2 supracoŭnika AMAPa i čałaviek u cyvilnym kala budynku Centralnaha suda.
Alaksieja Zujeva sudździa asudziła 2 maja na 10 bazavych vieličyń (245 rubloŭ).
