Jeŭrapał razam z Nacyjanalnym kryminalnym ahienctvam Vialikabrytanii (NCA) zabłakavali sajt Webstresser.org, źviazany ź miljonami kibieratak pa ŭsim śviecie. Pra heta paviedamlaje Bleeping Computer.
Žurnalisty nazyvajuć sajt «najbujniejšym servisam dla DDoS-napadaŭ»: jon dazvalaŭ złačyncam zamaŭlać ataki, častka ź jakich paśla była nakiravana na viadučyja banki Vialikabrytanii. Supracoŭniki NCA ŭpeŭnienyja, što złamyśniki vykarystali Webstresser dla napadu na finansavyja ŭstanovy ŭ 2017 hodzie: tady banki panieśli straty ŭ sotni tysiač funtaŭ sterlinhaŭ.
Vartavyja paradku ŭžo aryštavali šaściarych padazravanych u stvareńni servisu. «Złačyncy pa ŭsim śviecie vykarystoŭvali webstresser.org, jaki možna było arandavać usiaho za 14,99 dalara ZŠA, kab zapuścić bolš za čatyry miljony napadaŭ», — zajaviŭ pradstaŭnik nacyjanalnaha kryminalnaha ahienctva. Jon dadaŭ, što zamović DDoS-napad na sajcie mahli navat technična nieadukavanyja karystalniki.
