Lidzija Jarmošyna raspaviała pra try źmieny u Kanstytucyju, jakija rekamiendavaŭ by CVK, paviedamlaje Tut.by sa ssłykoj na BiełTA.
«Centralnaja vybarčaja kamisija ŭ ciapierašni čas nie zadziejničana ŭ liku tych arhanizacyj, jakija ŭnosiać prapanovy ab nieabchodnych źmienach u Kanstytucyju. My skažam užo paśla jak ekśpierty. Adzinaje, kali b Centralnaj kamisii zadali pytańni, to my ŭnieśli b try prapanovy», — skazała kiraŭnik CVK.
«Pa-pieršaje, pamienšyli b kolkaść abmiežavańniaŭ vybarčych pravoŭ hramadzian, vyklučyŭšy adtul prava na ŭdzieł u hałasavańni asob, jakija da prysudu suda znachodziacca pad vartaj. Pakolki ludzi, jakija znachodziacca ŭ dadzienych miescach, jašče nie asudžanyja sudom i z farmalnaha punktu hledžańnia nie źjaŭlajucca vinavatymi. Takim čynam, jany pavinny ŭdzielničać u hałasavańni.
Taksama CVK ličyć nieabchodnym vyklučyć instytut adklikańnia deputata jak niepracujučy i jaki nie maje patencyjnych mahčymaściaŭ prymianieńnia.
Treci momant — sychod ad prava vyłučeńnia i naohuł udziełu ŭ vybarach pracoŭnych kalektyvaŭ. Pryčynaj takoj prapanovy źjaŭlajecca toje, što dadzienaja norma ŭsio mienš pracuje. Kali pracoŭnyja kalektyvy jašče aktyŭna vyłučajuć svaich pradstaŭnikoŭ u skład vybarčych kamisij, to kandydataŭ u deputaty ad ich možna ŭbačyć tolki na miascovych vybarach, na parłamienckich dadzienaja norma redka ŭžyvajecca».
