U Minsku ŭ rasijskaha muzykanta znajšli hašyš, paviedamlaje HUUS Minharvykankama.
Adzin z salistaŭ muzyčnaha hurta z Krasnajarska, jaki pryjechaŭ u Minsk na hastroli, byŭ zatrymany 23 krasavika. U 29-hadovaha chłopca byli vyjaŭlenyja narkotyki.
Jon pryciahnuŭ uvahu milicyjaniera, kali chacieŭ prajści na mierapryjemstva ŭ honar stvareńnia adnaho sa staličnych futbolnych kłubaŭ. U torbie ŭ maładoha čałavieka byŭ znojdzieny tubus dla fotastužki, dzie byli dva skrutki z falhi z rečyvam unutry.
Śpiecyjalisty Centralnaha aparatu Dziaržkamiteta sudovych ekśpiertyz vyśvietlili, što rečyva sa skrutkaŭ — hašyš. Chłopiec byŭ zatrymany i źmieščany ŭ izalatar časovaha ŭtrymańnia. Jon rastłumačyŭ, što pryvioz narkotyk z Rasii, adkul prybyŭ na hastroli tura sa svaim hurtam.
U dačynieńni da muzyki raspačata kryminalnaja sprava pa č.1 art.328 KK (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ). Sankcyja nazvanaj častcy artykuła praduhledžvaje pakarańnie ŭ vyhladzie abmiežavańnia abo pazbaŭleńnia voli na termin da piaci hadoŭ.
