uvd.mogilev.by
U Bychaŭskim rajonie skrali kala 200 mietraŭ rejek vuzkakalejnaj čyhunki, što viadzie na torfaraspracoŭki. Pa padazreńni ŭ kradziažy zatrymali troch miascovych žycharoŭ, zaviedziena kryminalnaja sprava, paviedamili va UUS Mahiloŭskaha abłvykankama.
Pra kradziež rejek na paŭtary tysiačy rubloŭ paviedamiŭ majstar AAT «Torfapradpryjemstva Dniaproŭskaje». Na 21-m kiłamietry čyhunki kala vioski Boŭki niedaličylisia 200 mietraŭ rejek.
U lesie milicyja znajšła schavanaje abstalavańnie, jakoje vykarystoŭvali dla demantažu rejek i ich raśpiłoŭvańnia. Pa padazreńni ŭ kradziažy čyhunki i zdačy jaje na mietałałom zatrymali troch miascovych žycharoŭ. Im 23, 24 i 32 hady.
0
0
0
0
0
0
