Samaje važnaje ŭ kožnym śviacie — heta niepaŭtornaja atmaśfiera i niezabyŭnyja sustrečy. Prahrama «Viaskoŭcy» telekanała «Biełsat» praciahvaje śviatkavać Vialikdzień. A dapytlivy viadoŭca Viktar Šukiełovič natchniaŭsia ŭ vioscy na novyja podźvihi i rabiŭ niečakanyja adkryćci.
Viadoma, što niama Vialikadnia biez kalarovych jajek, tamu Viktar adkazna ŭziaŭsia za spravu i spačatku sprabavaŭ pafarbavać jajki z dapamohaj paraškoŭ, kuplenych u mahazinie. Ale niešta pajšło nie tak, i na dapamohu Viktaru pryjšli viaskovyja žychary, jakija pakazali, jak tradycyjna rychtujucca jajki da Vialikadnia: spačatku pakryvajucca voskam, a potym varacca ŭ cybulnym łušpińni.
Viktar taksama daśledavaŭ, jak raniej śviatkavali Vialikdzień u vioskach dy jak chadzili ŭ vałačobniki. Zdarałasia raniej, što maładziony mahli syści z domu na hulańnie navat na niekalki dzion. Kali jajek i pačastunkaŭ nabirałasia vielmi mnoha, vałačobniki pakidali ich pa darozie ŭ haspadaroŭ, jak u banku, a tolki paźniej viartalisia i zabirali.
Viadoŭcu pahulaŭ u vioscy «ŭ bitki», kali vyznačałasia samaje tryvałaje jajka — «macak». Jamu raspaviali taksama pra jašče adnu kolišniuju zabavu na Vialikdzień — pieŭnievyja bai, u jakich udzielničali ptuški ź viaskovych padvorkaŭ. Pry hetym rabilisia navat admysłovyja staŭki. Što było ŭznaharodaj dla pieramožcy — pra heta daviedajeciesia ŭ novym vydańni «Viaskoŭcaŭ».
